PAGBABAGO!
(Sigaw ng Bayang Totoo)
Di ka ba nagtatanong san tayo patungo?
Di ka ba naghahangad ng pagbabago?
Katotohanan at katarungan ating makakamtan;
Kung hindi tayo mananahimik lamang.
Kung dati ay walang pakialam, dahil ’di natin alam
Galing sa Diyos ating kapangyarihan at pananagutan
Ngayon hamon ng pagbabago nasa ating harapan
Katotohanan ang magpapalaya sa sambayanan
Pagbabago! Sigaw ng bayang totoo!
Bagong mukha ng ating bansa sa ‘tin magmumula.
Pagbabago! Sigaw ng Pilipino!
Pinagpalang lahi ng mga bayaning totoo!
Di ka ba nagtataka di tayo umuunlad
Sa kabila ng ating pagsisikap?
Kalayaa’t kasaganaan ating matitikman
Kung di hiwalay pag-ibig sa Diyos at bayan
Kung dati ay walang pakialam, dahil ’di natin alam
Galing sa Diyos ating kapangyarihan at pananagutan
Ngayon hamon ng pagbabago nasa ating harapan
Katotohanan ang magpapalaya sa sambayanan
Pagbabago! Sigaw ng bayang totoo!
Bagong mukha ng ating bansa sa ‘tin magmumula.
Pagbabago! Sigaw ng Pilipino!
Pinagpalang lahi ng mga bayaning totoo!
Titik at Musika:
Mimo L. Perez
